*GABE JOLMA NA IMBARU DI BAGASAN KRISTUS*
(Ev. Kolosse 3:5-11)
Selamat minggu ma di hita saluhutna. Dijou Tuhan i do asa luhutna hita gabe jolma na imbaru di bagasan Kristus.
Huria ni Tuhanta. Kolosse i ma sada kota di Asia na metmet di timur ni Efesus. Kota Efesus hatiha i gabe sada ibukota provinsi di Asia na metmet, na tardok Turki si nuaeng, nigomgoman ni bangso Rom. Ndada apostel Paulus ianggo na pajongjong huria on. Alai agan pe songon i, dipaborhat apostel Paulus do tusi angka pangula, ala dietong ibana do i songon bagian ni tanggungjawabna dalan pauliuli huria i.
Di bindu 1:2-14, mandok mauliate do apostel Paulus tu Debata siala panggulmiton ni ngolu ni huria Kolosse na lam tu majuna haporseaon nang holong ni roha pe. Dipatogu apostel i do roha ni huria i, asa tongtong nasida marurat di bagasan Kristus, pinauli-uli huhut togu marhaporseaon di Ibana (Kol 2:6-7).
Dibege jala diboto apostel Paulus do na masa di huria i marhite si Epafras, halak Kolosse (Ulaon 19:10; Kol 1:7; 4:12-13). Martumbur do angka poda na lipe dohot angka pangajari na mangaliluhon. Didok do, asa boi sasahalak dapotan haluaon, ingkon ulahonna do sunat ro di subang-subang (2:8, 11, 16, 18, 21-23).
Mangadopi i, gabe ditongos apostel Paulus ma surat on tu huria i. Dipaandar do angka poda nang pangajarion na tutu situtu di bagasan Kristus, huhut sintong marparange di bagasanna. Dibahen i, aloon nasida ma angka parpoda haliluon i marhitehite na sumolukhon na imbaru, na pinaimbaru ni Kristus i.
Angka na porsea ingkon marurat jala pinauli-uli di bagasan Ibana. Jumolo do marurat (Gorik: errizomenoi – ‘keep your roots deep in Him’), dung i pinauli-uli. Boasa ? Urat do na manontuhon kualitas ni pertumbuhan. Jala ‘pinauli-uli’, ndang tarsirang sian fundasi manang urat, jaminan ni hatoguon. Unang ma tarbutbut urat ni haporseaonta, asa tongtong mangolu di bagasan Ibana (Kol 2:6-7).
Dipaandar do dison hatandian ni ngolu andorang so di bagasan Kristus dohot dunghon di bagasan Ibana. Pangalaho na robi manang na jolo didok hata ‘potee’ (na jolo, na robi, andorang so di bagasan Kristus), jala pangalaho na imbaru dipatuduhon marhite hata ‘nun’ (nuaeng, na imbaru, di bagasan Kristus).
Di holang-holang ni ‘potee’ dohot ‘nun’ (ayat 7-8), jongjong do mansai timbo dorpi-dorpi parholangan (tembok), na so hanangkohan, na so adong hadomuanna jala na so dais na sada dohot na sada nari.
Dibahen i, nunga gabe jolma na imbaru hita di bagasan Kristus. Dijou do hita papatarhon ngolu naung gabe jolma na imbaru di bagasan Kristus, marhite:
Parjolo: Mamunu angka pangalaho na robi sian ngolunta (ayat 5-9), i ma: parmainanon, hahodaron, riting ni roha, hisaphisap na roa, pangahution dohot pardebataon sileban. Nunga tarsilang hadirionta na buruk raphon Ibana, dibahen i pinasohot ma daging pardosaon. Molo marguru tu daging hita marparange, mate ma hita. Alai molo tapamate parulaon ni pamatang, mangolu ma hita.
Paduahon: Tabolongkon ma nasa rimas, muruk, hajahaton, panginsahion ro di hata barangsi sian pamanganta dohot gabus (ayat 8-9). Ambolonghonon, ai saluhutna i ndang marguna, ndang marnosan laho pauliulihon, holan manegai do.
Patoluhon: Tasolukhon ma na imbaru, i ma Kristus i – …mengenakan manusia baru yang terus menerus diperbaharui…. (ayat 10-11). Angka naung manolukhon na imbaru, gabe na tinompa na imbaru ma ibana, na tongtong mangolu di bagasan hatigoran dohot hapolinon na marhasintongan (Ef 4:24).
Nunga mangolu hita nuaeng di bagasan Jesus Kristus. Nunga mate, hehe jala manaek Ibana tu banua ginjang jala hundul di siamun ni Debata. Alani i, “remote-control” ni ngolunta si nuaeng pe, sian banua ginjang nama. Aha pe na tapingkiri, dia na tasangkapi, angka dia na tapatupa, saluhutna i ingkon marhaojahan sian banua ginjang i nama. Hidup kita haruslah senantiasa mengacu dari dan ke atas.
Molo dung disolukhon na imbaru, i ma Kristus i, ndang adong be disi angka dorpi-dorpi parhaolangan, Gorik manang Jahudi, marsunat manang so marsunat, bangso na leban manang bangso na so maju dope, hatoban manang anak mata. Sada do hita saluhutna di bagasan Kristus Jesus, ndang mardia imbar.
Di Keluarga, molo tangkas do tasolukhon Kristus i. Dapot hita ma disi 3 H: Help, Hope, Happiness. Molo adong pe hamaolon isarana, jaloonta do Help sian Tuhanta i. Molo tajalo pangurupion (Help), gabe tubu ma Hope (panghirimon), jala gok ma i muse marhite Happiness (halalas ni roha na mauliutus). Sabalikna, molo so soluk do Kristus di rumahtangganta, na masa disi i ma Hell (naroko).
Jangan sampai terlambat memperbaharui diri. Kisah isteri seorang tentara Amerika, yang berperang di Vietnam, menggambarkan kerinduannya untuk bisa memperbaharui dirinya sebagai seorang isteri yang lebih baik lagi…..tetapi sudah terlambat. Suratnya berbunyi seperti ini:
_Ingatkah engkau ketika aku meminjam mobil barumu dan aku membuatnya penyok ? Aku mengira engkau akan menghajarku, tapi ternyata tidak. Dan ingatkah engkau kala aku memaksamu pergi ke pantai, dan engkau katakan hari akan hujan dan memang hujan turun ? Aku mengira engkau akan berkata “Benar yang aku bilang”, ternyata engkau tidak mengatakannya. Ingatkah engkau ketika aku menggodamu agar engkau cemburu dan memang engkau cemburu ? Kusangka kau akan meninggalkanku, tapi nyatanya tidak. Ingatkah engkau saat aku menumpahkan kue stroberi ke karpet mobilmu ? Kukira engkau akan memakiku, ternyata engkau tidak melakukannya. Ingatkah engkau ketika aku lupa mengatakan bahwa pesta yang kita datangi adalah formal sehingga engkau datang bercelana jeans ? Kupikir engkau tidak mengantarku lagi pulang, tapi ternyata tidak. Ya, banyak sekali hal yang tidak kau lakukan. Tak terhitung berapa kali engkau berkorban perasaan, namun engkau tetap mencintaiku serta tetap melindungiku. Ada banyak sekali hal yang ingin kuubah demi engkau saat kau pulang dari perang Vietnam nanti. Namun, engkau tidak pernah kembali …. !_
Dibahen i, dipargogoi jala dipatau Tuhanta ma hita gabe jolma na imbaru di bagasan Kristus, jala patar marsinondang di ngolunta siganup ari. Amen !
